ERMƏNİSTAN TV PROQRAMLARININ AZƏRBAYCAN ƏRAZİSİNƏ QANUNSUZ YAYIMI İLƏƏLAQƏDAR MƏSƏLƏ MOSKVADA MÜZAKİRƏOLUNACAQDIR
Respublika Rabitə və İnformasiya Texnologiyaları Nazirliyi son vaxtlar Azərbaycanın bir neçə bölgəsinə Ermənistan televiziya proqramlarının qanunsuz yayımı ilə əlaqədar Müstəqil Dövlətlər Birliyi çərçivəsində fəaliyyət göstərən Regional Əməkdaşlıq Təşkilatına müraciət etmişdir. Həmin təşkilatın dəvətilə nazirliyin bir qrup nümayəndəsi Moskva şəhərinə ezam olunmuşdur.
Nazirliyin mətbuat xidmətindən AZƏRTAC-ın müxbirinə bildirmişlər ki, təşkilatın yığıncağında Azərbaycanın Ermənistanla həmsərhəd rayonlarında radio-televiziya yayımı kanallarının, o cümlədən tezlik resurslarının koordinasiyası məsələləri müzakirə olunacaq və müvafiq qərar qəbul ediləcəkdir.
Bölmənin digər xəbərləri
