Ermənistanda ehtiyatda olan hərbi qulluqçular təlim-məşq toplantılarına çağırılacaqlar
Tbilisi, 1 avqust, AZƏRTAC
Ermənistanda ehtiyatda olan hərbi qulluqçular cari il sentyabrın 15-dən dekabrın 15-dək təlim-məşq toplanışlarına cəlb olunacaqlar.
Rəsmi məlumata görə, təlim-məşq toplanışlarının məqsədi ehtiyatda olan hərbi qulluqçuların tərkibini, ümumi sayı və ixtisaslarını, hər bir ixtisas üzrə hazırlıq müddəti və ehtiyatda olanların sayını müəyyən etməkdir.
AZƏRTAC xəbər verir ki, bununla bağlı Ermənistan hökuməti avqustun 1-də qərar qəbul edib.
Bildirilib ki, ehtiyatda olan vətəndaşların hərbi vərdişlərinin, peşə hazırlığının artırılması, ehtiyatda olan zabitlərin və ali təhsilli gizirlərin hazırlanması məqsədi ilə təlim-məşq toplanışları elan edilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
