Ernan Krespo Meksika klubunun baş məşqçisi təyin olunub
Bakı, 17 iyul, AZƏRTAC
Argentina millisinin sabiq futbolçusu Ernan Krespo Meksikanın “Atlas” klubunun baş məşqçisi təyin olunub.
AZƏRTAC xəbər verir ki, bu barədə klubun mətbuat xidməti məlumat yayıb. 51 yaşlı mütəxəssislə imzalanan müqavilənin müddəti və digər detalları açıqlanmayıb.
Ernan Kresponun son iş yeri Braziliyanın “San-Paulu” klubu olub. O, bu ilin mart ayında həmin komandadan ayrılıb.
Argentinalı mütəxəssis məşqçilik karyerası ərzində ölkəsinin “Banfild”, “Defensa və Xustisiya”, Qətərin “Əl-Duhail”, Birləşmiş Ərəb Əmirliklərinin “Əl-Ayn” və İtaliyanın “Modena” klublarını da çalışdırıb.
Bölmənin digər xəbərləri
