ƏSGƏR AKAYEVİN ƏMLAKI İLƏ ƏLAQƏDAR YEDDİ NƏFƏR MƏSULİYYƏTƏ CƏLB EDİLMİŞDİR
AZƏRTAC-ın xüsusi müxbiri xəbər verir ki, Qırğızıstanın sabiq Prezidenti Əsgər Akayevə məxsus əmlakın müəyyənləşdirilməsi ilə əlaqədar məhkəmə prosesi davam edir. Bu haqda jurnalistlərə ölkənin Baş prokuroru Kambaralı Konqantiyev məlumat vermişdir. Onun sözlərinə görə, bu məsələ ilə əlaqədar 68 cinayət işi açılmışdır, bunun da 27-si Əsgər Akayevin xanımı Mayram Akayevanın rəhbərlik etdiyi “Meerim” fonduna aiddir. İndiyədək 6 cinayət işinə baxılmış, 7 adam məsuliyyətə cəlb olunmuş, 1 nəfərə bəraət verilmişdir.
Xatırladaq ki, ölkədə Akayevlər ailəsinə, onların qohumlarına və yaxın adamlarına məxsus 70-dən artıq rentabelli müəssisə fəaliyyət göstərmişdir. Bunların arasında “Bərəkət” ticarət evi, Kant şifer kombinatı, Kaindin şəkər, Cəlalabad pambıq zavodları, İssık-Kul gölünün sahilindəki bahalı sanatoriyalar şəbəkəsi, sağlamlıq mərkəzləri və s. vardı.
Bölmənin digər xəbərləri
