Estoniya və Qırğızıstan milli komandaları ilə yoldaşlıq oyunu keçirəcək Azərbaycan yığmasının heyəti açıqlanmışdır
Bakı, 5 noyabr (AZƏRTAC). Noyabrın 15-də Tallin şəhərində Estoniya, noyabrın 19-da isə Bişkek şəhərində Qırğızıstan yığması ilə yoldaşlıq oyunu keçirəcək və bu məqsədlə noyabrın 11-dən etibarən təlim-məşq toplanışında olacaq (11-13 noyabr - Bakı, 14-16 noyabr - Tallinn, 17-19 noyabr - Bişkek) futbol üzrə Azərbaycan milli komandasının heyəti açıqlanmışdır.
AFFA-dan AZƏRTAC-a bildirmişlər ki, hazırlıq prosesinə Anar Nəzirov (“Sumqayıt”), Səlahət Ağayev (“İnter”), Fərhad Vəliyev (“Qarabağ”), Rəşad Sadıqov (“Qarabağ”), Volodimir Levin (“Qəbələ”), Rasim Ramaldanov (“Xəzər-Lənkəran”), Mahir Şükürov (“Neftçi”), Elnur Allahverdiyev (“Qəbələ”), Maksim Medvedev (“Qarabağ”), Ufuk Budak (“Eskişehirspor”, Türkiyə), Əli Gökdemir (“Hannover 96 II”, Almaniya), Bədavi Hüseynov (“Qarabağ”), Ruslan Abişov (“Rubin”, Rusiya), Rəşad Sadiqov (“Neftçi”), Rahid Əmirquliyev (“Xəzər-Lənkəran”), Cavid Hüseynov (“Bakı”), Əfran İsmayılov (“Bakı”), Taşkın İlter (“Ayntraxt Braunşveg”, Almaniya), Vaqif Cavadov (“İnter”), Vüqar Nadirov (“Qarabağ”), Rauf Əliyev (“Bakı”), Cihan Özkara (“Sivasspor”, Türkiyə) və Rüfət Dadaşov (“Kaizerslautern II”, Almaniya) dəvət olunmuşlar.
Ehtiyat oyunçuların heyətində isə Vurğun Hüseynov (“Sumqayıt”), Ruslan Əmircanov (“İnter”), Aqil Nəbiyev (“Rəvan”) və Pərdis Fərcad-Azad (“Sumqayıt”) yer almışlar.
Bölmənin digər xəbərləri
