ESTONİYADA YAŞAYAN HƏMYERLİMİZ ÖZ TEATRI İLƏ QAX TAMAŞAÇILARININ QONAĞI OLMUŞDUR
AZƏRTAC xəbər verir ki, Estoniyanın Tallinn şəhərində fəaliyyət göstərən Azərbaycan kukla teatrının yaradıcı kollektivi Qax rayonunda qonaq olmuşdur. 2007-ci ildə yaranmasının 15 illiyini qeyd etmiş bu teatra həmyerlimiz, Azərbaycanın əməkdar artisti Rauf Avşarov rəhbərlik edir.
Səfər çərçivəsində qonaqlar Qax Dövlət Kukla Teatrının fəaliyyəti və iş şəraiti ilə yaxından tanış olmuş, məşqləri izləmişlər. Sonra onlar rayon mədəniyyət evinin səhnəsində balaca tamaşaçılar qarşısında çıxış etmişlər. Kollektivin Azərbaycan xalq nağılı əsasında hazırladığı “Cırtdan” tamaşası balacaların ürəyincə olmuşdur.
Teatrın kollektivi Gəncə şəhərinə yola düşmüşdür.
Bölmənin digər xəbərləri
