“Expressbank”ın bütün bank kartları 3D Secure sisteminə qoşulur
Bank, 24 dekabr, AZƏRTAC
“Expressbank”ın bütün bank kartları internet vasitəsilə onlayn ödənişlər zamanı dələduzluq hallarının qarşısını almaq məqsədilə 3D Secure xidmətinə qoşulur. Bu xidmət həm Visa, həm də MasterCard plastik kartlarına aid olunur.
Bankdan AZƏRTAC-a bildiriblər ki, internet vasitəsilə hər dəfə onlayn əməliyyat edən zaman kart sahibinə SMS vasitəsilə yeni şifrə təqdim olunur. Bu 6 rəqəmli şifrə qeyd olunmadıqda, onlayn ödəmə həyata keçmir.
Bank müştərilərə 6 manatdan başlayaraq Visa və MasterCard kartlarını təqdim edir. Hesaba minimum 400 manat ilkin mədaxil etməklə Visa Gold / MasterCard Gold kartları pulsuz təqdim edilir. Hesabda olan məbləği bankın bankomatlarında nağdlaşdıran zaman heç bir komissiya tutulmur.
Bank xidmətləri barədə ətraflı məlumatı 132 Məlumat Mərkəzindən, www.expressbank.az saytından və ya bankın rəsmi facebook səhifəsindən www.facebook.com/Expressbank əldə etmək olar.
Bölmənin digər xəbərləri
