Əyani ümumi təhsil müəssisələrindən 3043-də dərslər bir növbədə keçirilir
Bakı, 18 avqust, AZƏRTAC
Tədris ilinin əvvəlinə Azərbaycanda dövlət və qeyri-dövlət əyani ümumi təhsil müəssisələrinin (sağlamlıq imkanları məhdud uşaqlar üçün xüsusi məktəblər və internat məktəbləri, siniflər istisna olmaqla) sayı 4417 olub. Bu məktəblərdən 3043-də dərslər bir növbədə, 1374-də isə dərslər iki və ya üç növbədə keçirilir.
AZƏRTAC xəbər verir ki, bu məlumat Dövlət Statistika Komitəsinin “Azərbaycanda uşaqlar” adlı məcmuəsində əks olunub.
Rəsmi nəşrdə bildirilir ki, bundan əlavə, 2019-2020-ci tədris ilində sağlamlıq imkanları məhdud uşaqlar üçün təşkil edilmiş siniflər də daxil olmaqla həmin müəssisələrdə 1 milyon 610 min 700 uşaq təhsil alıb.
Bölmənin digər xəbərləri
