Fariz İsmayılzadə: Azərbaycan reallıqlarını dünyaya çatdırmağa çalışacağıq
Bakı, 21 avqust, AZƏRTAC
Bu gün Azərbaycanlı Tələbələr və Məzunlar Platformasının (ASAP) seçkiləri keçirildi, hesabatı dinlənildi. Həmin seçkilərdə mənə etimad olundu, mən yeni sədr seçildim. Bu böyük etimada görə təşəkkür edirəm. Hesab edirəm ki, ASAP-ın işləri üçün böyük imkanlar var.
AZƏRTAC xəbər verir ki, bu sözləri jurnalistlərə müsahibəsində ADA Universitetinin prorektoru, ASAP-ın yeni sədri Fariz İsmayılzadə deyib.
Bildirib ki, xaricdə təhsil alan azərbaycanlı tələbələr, məzunlar Azərbaycanı çox gözəl təmsil edə, müxtəlif forumlarda, platformalarda Qarabağ reallıqlarını çatdıra bilərlər. Biz növbəti il ərzində bu istiqamətdə işimizi quracağıq. Xaricdə təhsil almış, məzun olmuş azərbaycanlı gəncləri birləşdirib müxtəlif tədbirlər, xüsusilə sosial şəbəkələr vasitəsilə Azərbaycan reallıqlarını dünyaya çatdırmağa çalışacağıq.
Bölmənin digər xəbərləri
