“Faydalı qazıntıların geologiyası” dərsliyinin I və II cildi nəşr olunmuşdur
Bakı, 1 noyabr (AZƏRTAC). AMEA-nın müxbir üzvü Vasif Babazadənin müəllifi olduğu “Faydalı qazıntıların geologiyası” dərsliyinin I və II cildi çapdan çıxmışdır.
AMEA-dan AZƏRTAC-a bildirmişlər ki, ali məktəblər üçün nəzərdə tutulan dərslikdə Yerin əmələ gəlməsi, daxili quruluşu və inkişafı, Yer qabığının başlıca struktur elementləri, modelləri, geoloji xüsusiyyətləri, faydalı qazıntı yataqlarının əmələgəlmə və yerləşmə şəraitləri, filiz faydalı qazıntılar barədə məlumat verilir.
I cilddə faydalı qazıntı yataqlarının əmələ gəlməsinin ümumi geoloji şəraitindən və formalaşmasından bəhs edilir. Bu məqsədlə Yerin təkində baş verən geoloji proseslər, faydalı qazıntı yataqlarının yerləşməsinə nəzarət edən başlıca struktur elementlər, bəzi petroloji məsələlər və s. əksini tapmışdır.
II cilddə isə filiz faydalı qazıntılarının əmələgəlməsinin ümumi geoloji şəraiti və formalaşmasından bəhs edilir, hər bir mineral-xammal növü üzrə xaricdə və respublikada məlum olan ən səciyyəvi yataqlar təhlil edilir.
Dərslik faydalı qazıntı yataqlarının geoloji planlaması, axtarışı və kəşfiyyatı, mineralogiya, geokimya və petrologiya ixtisasları üzrə təhsil alan bakalavr, magistr və doktorantlar üçün nəzərdə tutulmuşdur.
Nəşrin elmi redaktoru, akademik Arif İsmayılzadədir.
Bölmənin digər xəbərləri
