“FƏRDİ KƏNDLİ TƏSƏRRÜFATI HAQQINDA”YENİ QANUN LAYİHƏSİ HAZIRLANACAQ
AZƏRTAC-ın müxbiri xəbər verir ki, iclasda komissiyanın 2003-cü il payız sessiyasında gördüyü işlər və 2004-cü il yaz sessiyasının qanunvericilik işləri planı müzakirə olunmuşdur. Komissiyanın sədri Eldar İbrahimov demişdir ki, yaz sessiyasında “Ovçuluq haqqında” qanun layihəsi ikinci oxunuşda müzakirəyə çıxarılacaq, “Meliorasiya və irriqasiya haqqında” Qanuna əlavələr və dəyişikliklər ediləcəkdir. Bundan başqa, kənd təsərrüfatının inkişafına birbaşa təsir edəcək “Fərdi kəndli təsərrüfatı haqqında” yeni qanun layihəsi hazırlanacaqdır. Bu qanunun üzərində hazırda ciddi iş gedir.
Sonra “Azərbaycan Respublikası ilə İsveçrə Konfederasiyası Hökuməti arasında kadastr layihəsi üzrə maliyyə yardımına dair” Saziş və “Büdcə sistemi haqqında” Qanunun tətbiqi ilə əlaqədar Azərbaycan Respublikasının bəzi qanunvericilik aktlarına əlavə və dəyişikliklər edilməsi məsələsi müzakirə olunmuşdur.
Müzakirələrin sonunda qanun layihələrinin parlamentin müzakirəsinə çıxarılması qərara alınmışdır.
Bölmənin digər xəbərləri
