FERMERLƏR 800 TON YÜKSƏK MƏHSULDAR TAXIL TOXUMU İLƏ TƏMİN EDİLMİŞLƏR
Taxılçılıqla məşğul olan fermerlər “Əzəmətli”, “Nurlu”, “Qiymətli”, “Əkinçi”, “Qobustan”, “Bərəkətli” taxıl toxumu sortlarının səpildiyi sahələrdən hər il yüksək məhsul götürürlər.
Kənd Təsərrüfatı Nazirliyinin Aqrar Elm Mərkəzindən AZƏRTAC-a bildirmişlər ki, Tərtər, Qobustan, Şəki, Cəlilabad, Zaqatala təcrübə stansiyalarında həmin taxıl sortlarının 600 tondan çox toxumu vardır və mərkəz toxum tapmaqda çətinlik çəkən bütün sahibkarlara bu problemin həllində yardımçı olmağa hazırdır.
Toxum almaq istəyənlər hər hansı problem yarandıqda Aqrar Elm Mərkəzinə 493-10-37, 493-73-62, 497-49-31 nömrəli telefonlarla müraciət edə bilərlər.
Bölmənin digər xəbərləri
