FERMERLƏR İLİ UĞURLA BAŞA ÇATDIRMIŞLAR
Agsu, 8 yanvar (AZƏRTAC). Heyvandarlıqla məşğul olan fermerlər yola saldığımız 2009-cu ildə uğurlu nəticələr qazanmışlar. Belə ki, bütün sahələr üzrə göstəricilər 2008-ci ilə nisbətən xeyli artmışdır. Rayon statistika idarəsindən verilən məlumatda bildirilir ki, inişilki illə müqayisədə ötən il mal-qaranın sayı 58 baş artaraq 39 min 466 başa, davarların sayı 1.733 baş artaraq 151 min 268 başa çatmışdır. Müqayisə olunan müddətdə quşların da sayı 779 baş artmış, 219 min 626 başa çatmışdır.
Heyvandarlar məhsul istehsalında da yaxşı nəticələr əldə etmişlər. Ötən il ət istehsalı (diri çəkidə) 4.036 ton (2008-ci ilə nisbətən artım 26 ton), süd istehsalı 23 min 396 ton (artım 49 ton), yun istehsalı 280 ton (artım 4 ton), yumurta istehsalı isə 6 milyon 484 min ədəd (artım 93 min ədəd) olmuşdur.
Son illər rayonda arıçılıq da sürətlə inkişaf etdirilir. Hazırda arı ailələrinin sayı 3.898-ə çatmışdır. Bu, 2008-ci ildəkindən 44 ailə çoxdur.
Rayonda mal-qaranın cins tərkibi yaxılaşdırılır. Baytarlıq xidmətinin günün tələbləri səviyyəsinə qaldırılması istiqamətində ciddi tədbirlər həyata keçirilir. Təsadüfi deyildir ki, fermerlər bunu heyvandarlığın gələcək perspektivlərinin ən mühüm istiqamətləri hesab edirlər.
Bölmənin digər xəbərləri
