Fermerlər Londonun mərkəzində etiraz aksiyası keçirirlər
London, 4 mart, AZƏRTAC
Martın 4-də Londonda minlərlə fermer “Whitehall”dan parlament binasına doğru yürüş edərək, əmək hüquqları və miras vergisinin dəyişdirilməsi ilə bağlı etirazlarını bildirirlər.
AZƏRTAC “The Standard”a istinadla xəbər verir ki, bu yürüş fermerlərin Leyboristlər hökumətinin 1 milyon funt sterlinqdən çox dəyəri olan kənd təsərrüfatı torpaqları və biznesləri üçün 20 faizlik miras vergisi tətbiq etmək planına qarşı keçirdikləri sonuncu etiraz aksiyalarından biridir.
London polisi keçən ay baş verən və yüzlərlə traktorun şəhərdə nəqliyyatı iflic etdiyi aksiyalardan sonra paytaxta mexaniki hərəkət edən hər hansı nəqliyyat vasitəsinin daxil olmasına qadağa qoyub. Lakin müəyyən sayda kənd təsərrüfatı texnikasının əvvəlcədən icazə alınaraq şəhərə buraxıldığı bildirilir.
Aksiyanın təşkilatçılarından biri, fermer Olli Harrison bildirib ki, onların məqsədi deputatlara kənd təsərrüfatına sərmayənin nə qədər vacib olduğunu izah etməkdir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
