Fermerlər Romada etiraz aksiyası keçirib
Roma, 4 fevral, AZƏRTAC
Avropada aqrar sektorun nümayəndələrinin kütləvi etiraz aksiyalarının növbəti ünvanı İtaliyanın paytaxtı Roma olub.
AZƏRTAC xəbər verir ki, fermerlər 20-dək traktoru Roma şəhəri yaxınlığında yol kənarında saxlayıb. Aksiya zamanı müxtəlif şüarlar səsləndirib, plakatlar qaldırılıb.
Fermerlər aqrar sektora tətbiq olunan vergilərə, ümumilikdə isə Avropa İttifaqının kənd təsərrüfatı siyasətinə etirazlarını bildirib.
İtaliyanın Baş naziri Ciorcia Meloni isə hökumətin aqrar sektora ayrılan yardımı 8 milyard avroya çatdıracağını deyib.
Qeyd edək ki, fermerlər həftə ərzində İtaliyanın müxtəlif bölgə və şəhərlərində etiraz aksiyaları keçirib.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
