FERMERLƏRİN PROBLEMLƏRİ HƏLL EDİLİR
AZƏRTAC-ın müxbiri xəbər verir ki, Azərbaycan Respublikası regionlarının sosial-iqtisadi inkişafına dair Dövlət Proqramına uyğun olaraq, Gəncədəki Elmi Tədqiqat Aqromexanika İnstitutunda bölgənin fermer təsərrüfatları rəhbərlərinin, respublika Kənd Təsərrüfatı Nazirliyi mütəxəssislərinin və bu sahədə çalışan alimlərin iştirakı ilə müşavirə keçirilmişdir.
Müşavirədə Kənd Təsərrüfatı Nazirliyinin şöbə müdiri Rəşid Cəfərov çıxış edərək yerlərdə servis xidmətlərinin təşkili istiqamətində görüləcək işlərdən danışmış, sonra alimlərin və təsərrüfat başçılarının fikirləri dinlənilmişdir. Verilən təkliflərin ümumiləşdirilərək nəzərə alınması barədə qərar qəbul olunmuşdur.
Bölmənin digər xəbərləri
