“Ferrari”nin pilotu Belçika Qran-Prisinin qalibi olub
Bakı, 26 avqust, AZƏRTAC
“Ferrari”nin almaniyalı pilotu Sebastyan Fettel Formula 1 üzrə dünya çempionatının növbəti mərhələsinin - Belçika Qran-Prisinin qalibi olub.
AZƏRTAC xəbər verir ki, ikinci yerə “Mercedes”in britaniyalı pilotu Luis Hamilton, üçüncü yeri isə “Red bull”un hollandiyalı təmsilçisi Maks Ferstappen tutub.
Yarışın startında qəza baş verib və nəticədə ispaniyalı Fernando Alonso (“Maklaren”), Monakodan olan Şarl Lekler (“Zauber”) və almaniyalı Niko Hyulkenberq (“Reno”) trasdan çıxıblar.
Luis Hamilton 231 xal yığaraq dünya çempionatında şəxsi hesabda liderliyini saxlayır. İkinci pillədə Sebastyan Fettel (214 xal), üçüncü sırada isə “Ferrari”dən olan finlandiyalı sürücü Kimi Raykonen (146 xal) qərarlaşıb.
Dünya çempionatının növbəti mərhələsi avqustun 31-dən sentyabrın 2-dək İtaliyada keçiriləcək.
Bölmənin digər xəbərləri
