Ferstappen 2019-cu ildə “Formula-1”in çempionu olmaq istəyir
Bakı, 10 iyun, AZƏRTAC
“Red Bull” komandasının yürüşçüsü Maks Ferstappen hesab edir ki, 2019-cu il mövsümündə “Formula-1”in çempionu ola bilər.
AZƏRTAC www.championat.com saytına istinadla xəbər verir ki, bu barədə hollandiyalı idmançı parlament üzvü Rudmer Heremaya söyləyib. Parlament üzvü deyib: “Mən Maks Ferstappenlə danışanda o, 2019-cu ildə “Formula-1”in çempionu ola biləcəyini söylədi. Niderland üçün öz dünya çempionu olması və yürüş keçirməsi əla olardı.
Biz sonuncu dəfə mərhələni 1985-ci ildə keçirmişik. Deməli, Zandvortda tras köhnəlib. Onu təzələmək və bütün infrastrukturu yoxlamaq lazımdır. Lakin bu, variantlardan ancaq biridir. Bizdə Assen və Maasvlakte şəhərləri də var. Ancaq Zandvortu seçsək, bir sıra məsələləri həll etmək lazım gələcək”.
Bölmənin digər xəbərləri
