FHN-in Bakı Regional Mərkəzi maarifləndirmə tədbirlərini davam etdirir
Bakı, 8 fevral, AZƏRTAC
Fövqəladə Hallar Nazirliyinin (FHN) Bakı Regional Mərkəzi Binəqədi rayonundakı 143 nömrəli tam orta məktəbdə “Fövqəladə hallarla bağlı davranış qaydaları” mövzusunda tədbir keçirib.
FHN-dən AZƏRTAC-a bildiriblər ki, şagirdlərin və müəllimlərin fövqəladə hadisələrlə bağlı maarifləndirilməsi məqsədilə təşkil edilən tədbirdə Bakı Regional Mərkəzinin, Dövlət Yanğın Nəzarəti, eləcə də Kiçikhəcmli Gəmilərə Nəzarət və Sularda Xilasetmə Dövlət xidmətlərinin əməkdaşları iştirak ediblər.
Nazirliyin əməkdaşları məktəbin kollektivinə fövqəladə halların təsnifatı, zəlzələ, torpaq sürüşməsi, məişətdə yanğın zamanı davranış qaydaları, 112 - qaynar xətti, dəm qazı, odsöndürən balonlardan istifadə, çimərliklərdə təhlükəsizlik qaydaları barədə məlumat veriblər.
Sonra mövzulara aid maarifləndirici videoçarxlar nümayiş olunub.
Bölmənin digər xəbərləri
