“FOLKLORANA-2004” MİLLİ ƏNƏNƏLƏR VƏ MƏDƏNİYYƏTLƏR BAYRAMI

19.06.2004 [22:34]
Çap et
A⁺ A^-

AZƏRTAC-ın xüsusi müxbiri Ukraynadan xəbər verir ki, iyunun 19-da Kiyevin Peçera landşaft parkında Ukraynada yaşayan milli azlıqların “Folklorana-2004” ənənələr və mədəniyyətlər bayramı keçirilmişdir. Bu rəngarəng ənənəvi tədbirin təşkilatçıları Kiyev İcra hakimiyyəti, Ukrayna paytaxtının Milli-mədəni Cəmiyyəti və digər təşkilatlardır.

“Azərbaycan” ansamblı (rəhbəri Ukraynanın əməkdar artisti Qurban Abbasovdur) və “Vətən” rəqs ansamblı (bədii rəhbəri Bəxtiyar Ağayarovdur) da folklor bayramının iştirakçısı olmuşlar. Ansamblın solisti Rimma Süleymanovanın, gənc müğənni Səbinə Tağıyevanın çıxışları, rəqs qrupunun ifasında “Yallı” və “Çoban” rəqsləri tamaşaçıları heyran etmişdir.

Azərbaycan səfirliyinin əməkdaşları, Ukrayna Azərbaycanlıları Konqresinin rəhbərləri, diasporun digər nümayəndələri konsertdə olmuşlar.