FRANSA VƏTƏNDAŞI GÜRCÜSTANIN XARİCİ İŞLƏR NAZİRİ TƏYİN EDİLƏCƏK
Dövlət başçısı demişdir: “Xanım Zurabişvili yüksək dərəcəli fransız diplomatıdır. Bir neçə Avropa dilini, o cümlədən rus dilini əla bilir. O, Fransa vətəndaşı olsa da, əsl gürcüdür – birinci dalğa gürcü mühacirlərinin varisidir. Salome Zurabişvili məşhur ictimai xadim, Poti dəniz limanının və Gürcüstan dəmir yolunun əsasını qoymuş Niko Nikoladzenin nəvəsidir. Valideynləri ötən əsrin 20-ci illərin əvvəllərində Gürcüstan Demokratik Respublikasının hökuməti ilə birlikdə ölkəni tərk etməli olmuşlar”.
M.Saakaşvili 52 yaşlı Zurabişvilinin Fransa XİN-də məsul rəhbər vəzifələrdə çalışdığını, bu ölkəni ABŞ, NATO və Avropa Birliyində təmsil etdiyini xatırladaraq bildirmişdir: “Onun Gürcüstan XİN-in başçısı təyin olunması barədə təşəbbüsümü bu yaxınlarda Fransaya səfərim zamanı Prezident Jak Şirakla müzakirə etdik və o, məni dəstəklədi”.
Bölmənin digər xəbərləri
