Fransada keçiriləcək ikinci Avtoidman Oyunlarının proqramına 18 müxtəlif yürüş seriyası daxil ediləcək
Bakı, 27 dekabr, AZƏRTAC
Gələn ilin payızında Fransada ikinci Avtoidman Oyunları keçiriləcək.
AZƏRTAC xarici KİV-ə istinadla xəbər verir ki, oyunların proqramına 18 müxtəlif yürüş seriyası daxil ediləcək.
Oyunların əvvəlcə 2020-ci il oktyabrın 23-dən 25-dək Marsel şəhərindəki Pol-Rikar trasında keçirilməsi nəzərdə tutulsa da, həmin vaxt yarış koronavirus pandemiyasına görə təxirə salınmışdı.
İlk Avtoidman Oyunlarına 2019-cu ilin noyabrında İtaliya ev sahibliyi edib. Romanın yaxınlığındakı Vallelunqa trasında baş tutan yarışlarda Rusiya komanda hesabında birinci olub.
Bölmənin digər xəbərləri
