Futbol üzrə dünya çempionatı: Niderland - Ekvador oyunu heç-heçə yekunlaşıb
Bakı, 25 noyabr, AZƏRTAC
Qətərdə keçirilən dünya çempionatının A qrupunda II tura yekun vurulub.
AZƏRTAC xəbər verir ki, turun son matçında Niderland və Ekvador yığmaları üz-üzə gəlib. Qarşılaşma 1:1 hesabı ilə başa çatıb.
Görüşdə ilk qolu 6-cı dəqiqədə "narıncılar"dan Kodi Qakpo vurub. 49-cu dəqiqədə isə Enner Valensiya tarazlığı bərpa edib.
Qrupun digər matçında ev sahibi Qətər Seneqala uduzub - 1:3.
Qeyd edək ki, 2 turdan sonra aktivində 4 xalı olan Ekvador və Niderland ilk iki sıranı bölüşdürür. Seneqal 3 xalla üçüncü, xalı olmayan Qətər isə sonuncudur.
Bölmənin digər xəbərləri
