Futzal üzrə Azərbaycan millisi xal hesabını artırıb
Bakı, 26 yanvar, AZƏRTAC
Futzal üzrə milli komandaların reytinq siyahısı açıqlanıb.
AZƏRTAC xəbər verir ki, 2018-ci ilin əvvəlində keçirilən yoldaşlıq oyunları son siyahı ilə müqayisədə cüzi dəyişikliklərə səbəb olsa da, ilk onluqda sıralama dəyişməyib.
Hazırda 10-cu sırada yer alan millimizin mövqeyində dəyişiklik olmasa da, xal hesabı artıb. Bakıda qonaq olan İran yığması ilə 2 yoxlama matçı keçirən komandamız qarşılaşmaların birində heç-heçə edib (3:3), digərində uduzsa da (1:4) aktivinə 2 xal əlavə edib. Millimizin hesabında artıq 1454 xal var.
Siyahıya isə Braziliya başçılıq edir - 1931 xal. Cənubi amerikalıları “Avro-2018”in final mərhələsində Azərbaycan yığmasının rəqibi olan İspaniya millisi 1878 xalla izləyir. 1740 xala malik Rusiya ilk üçlüyü qapayır.
Sloveniyadakı qitə çempionatında İspaniya və Azərbaycanla birgə “D” qrupunda çıxış edəcək Fransanın hesabında isə 1256 xal var və komanda 20-ci pillədədir.
Bölmənin digər xəbərləri
