Füzuli sakini: Bu gün oğlum mənim Füzulidən çıxdığım yaşda doğma torpağımıza qayıdır
Bakı, 21 avqust, AZƏRTAC
Çox sevincliyik ki, bu gün Füzuliyə, doğma el-obamıza köç edirik. Bizə bu günləri yaşadan, əməyi keçən hər kəsə minnətdarlığımı bildirirəm. Allah şəhidlərimizə rəhmət eləsin, qazilərimizə cansağlığı versin.
Bu sözləri AZƏRTAC-a müsahibəsində ata-baba yurduna qayıdan Füzuli sakini Malik Atakişi deyib.
“Mən Füzulidən çıxanda 6 yaşım var idi. Bu gün isə oğlum mənim Füzulidən çıxdığım yaşda doğma torpağımıza qayıdır. Füzulidən anam və bacılarımla çıxmışdıq. Anam rəhmətə gedib, bacılarım isə doğma yurdumuza geri dönmək üçün hazırdırlar. O günü səbirsizliklə gözləyirlər”, - deyə Malik Atakişi vurğulayıb.
Füzuli sakini dövlətimizin başçısına, torpaqlarımızın azadlığı uğrunda döyüşən qəhrəman Vətən oğlanlarına da təşəkkürünü bildirib.
Bölmənin digər xəbərləri
