Gədəbəy rayon sakininin elektrik cərəyanı vurması nəticəsində ölməsi ilə bağlı araşdırma aparılır
Bakı, 29 mart, AZƏRTAC
Martın 25-də saat 19 radələrində Gədəbəy rayonunun Kərimli kənd sakini 1969-cu il təvəllüdlü Hüseynov Şaiq Hüseyn oğlunun elektrik cərəyanı vurması nəticəsində ölməsi ilə bağlı rayon prokurorluğuna məlumat verilib.
Gədəbəy Rayon Prokurorluğundan AZƏRTAC-a bildirilib ki, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər zəruri prosessual hərəkətlər yerinə yetirilib.
Aparılmış araşdırmalarla Şaiq Hüseynovun kənd ərazisində elektrik enerjisinin kəsilməsi səbəbindən transformatora müdaxilə edərkən elektrik cərəyanının təsirinə məruz qalaraq ölməsi müəyyən olunub.
Hazırda fakt üzrə Gədəbəy Rayon Prokurorluğunda araşdırma aparılır.
Bölmənin digər xəbərləri
