GƏDƏBƏYİN NAXÇIVAN ADLANAN ƏRAZİSİNDƏ XATİRƏ LÖVHƏSİ QOYULUB
AZƏRTAC-ın müxbiri xəbər verir ki, vaxtilə Naxçıvandan gəlmiş Burcalılar tayfası burada məskunlaşmışdır. Müxtəlif dövrlərdə ermənilərin Gədəbəy ərazisinə hücumu zamanı Burcalılar düşmənə layiqli cavab vermiş, hətta 1920-ci ildə Qızıl Ordunun Azərbaycandakı işğalçılıq siyasətinə qarşı çıxmışlar. Həmin tarixi faktlar bu günlərdə ərazidə qoyulmuş xatirə lövhəsində öz əksini tapmışdır. Xatirə lövhəsinin açılışı zamanı illərdən bəri blokada şəraitində yaşayan Naxçıvan Muxtar Respublikasının çətinliklərə mərdliklə sinə gərməsi vurğulanmış, Azərbaycanın ayrılmaz tərkib hissəsi olan bu qədim diyarın 80 illik yubileyinin keçirilməsi barədə dövlət başçısının verdiyi sərəncamın əhəmiyyəti qeyd edilmişdir.
