GƏMİNİN QƏZAYA UĞRADIĞI YERDƏ SALAMAT QALANLARI TAPMAQ İMKANLARI TÜKƏNMİŞDİR

04.02.2006 [21:32]
Çap et
A⁺ A^-

AZƏRTAC ABŞ-ın Si-En-En telekanalının saytına istinadla xəbər verir ki, Qırmızı dənizdə qəzaya uğrayan “Salam 98” gəmisinin 415 sərnişinini xilas etmək mümkün olmuşdur. Qırmızı dəniz əyalətinin qubernatoru Bəkir ər-Rəşidi fevralın 4-də jurnalistlərə bildirmişdir ki, daha bir dəstə sərnişin tapılmış, onları yaxınlıqdan keçən gəmi xilas etmişdir.

Misir Prezidenti Hüsni Mübarək Xurqadaya gələrək, axtarış-xilasetmə işləri və gəminin qəzaya uğraması səbəbləri ilə maraqlanmış, hospitallara yerləşdirilmiş yaralılara baş çəkmişdir.

Bundan əvvəl məlumat verilmişdi ki, sudan 185 cəsəd çıxarılmış, təxminən 800 adam itkin düşmüş, onların sağ qalması barədə ümidlər tükənmişdir.

Xatırladaq ki, gəmidə 1400 sərnişin olmuşdur. Onların əksəriyyəti Misir, qalanları Səudiyyə Ərəbistanı, Sudan, Yəmən, Birləşmiş Ərəb Əmirlikləri vətəndaşları, bir nəfər isə Kanada vətəndaşı idi.

GƏMİNİN QƏZAYA UĞRADIĞI YERDƏ SALAMAT QALANLARI TAPMAQ İMKANLARI TÜKƏNMİŞDİR

MÜƏLLİFLƏ ƏLAQƏ

Bölmənin digər xəbərləri