GƏNCƏ OLİMPİYA-İDMAN KOMPLEKSİ İLİN QALİBİ OLMUŞDUR
Gəncə Olimpiya-İdman Kompleksi “İlin idman qurğusu” nominasiyasında respublika üzrə birinci yerə layiq görülmüşdür.
Bu barədə 2008-ci ilin yekunları ilə əlaqədar Gənclər və İdman Nazirliyinin toplantısında məlumat verildiyini bildirən kompleksin direktoru Sahib Rzayev AZƏRTAC-ın müxbirinə demişdir ki, qazanılan nailiyyət heç də təsadüfi olmamışdır. Hər il olduğu kimi, 2008-ci ildə də Gəncə Olimpiya-İdman Kompleksi təyinatı üzrə bütün fəaliyyət növlərini uğurla həyata keçirmişdir.
İl ərzində burada yerli, respublika və beynəlxalq əhəmiyyətli yarışlar, təlim-məşq toplanışları, gənclər üçün mədəni-kütləvi tədbirlər, mötəbər sərgilər, eləcə də tədris yönümlü müxtəlif seminarlar keçirilmişdir.
Bölmənin digər xəbərləri
