Gəncədə yaşıllaşdırma işlərinə başlanılmışdır
Gəncə, 15 mart (AZƏRTAC). Yaz fəslində Gəncədə 10 min ağacın əkilməsi nəzərdə tutulmuşdur.
Bu barədə AZƏRTAC-a şəhər yaşıllaşdırma idarəsindən məlumat vermişlər. Bildirilmişdir ki, havaların mülayimləşdiyi andan başlayaraq şəhərdə yaşıllaşdırma işlərinə start verilmişdir.
Artıq bir neçə gündür ki, park və xiyabanlarda, yol kənarlarında minlərlə ağac əkilmişdir. Əkilən ağaclar əsasən Türkiyə və İrandan gətirilir.
Eyni zamanda şəhər ərazisində olan 15 hektara yaxın ot örtüyünün dəyişdirlməsinə də başlanılmışdır. Artıq ərazilərin 6 hektarında bu iş başa çatdırılmışdır.
Bölmənin digər xəbərləri
