Generativ süni intellekt texnologiyaları qlobal miqyasda əmək fəaliyyətinin 30 faizinin avtomatlaşdırılmasına imkan yaradacaq
Bakı, 9 dekabr, AZƏRTAC
Süni intellekt gələcək inkişafın ayrılmaz hissəsinə çevrilib. Azərbaycanda süni intellektin inkişafı, iqtisadiyyatda, texnoloji inkişafda tətbiqi artıq reallıqdır.
AZƏRTAC xəbər verir ki, bunu İqtisadiyyat Nazirliyinin Rəqəmsal idarəetmə şöbəsinin müdiri Anar Nərimanov “Əqli mülkiyyət və süni intellekt” mövzusunda beynəlxalq konfransda söyləyib. Şöbə müdiri bildirib ki, proqnozlara əsasən, 2030-cu ilə qədər generativ süni intellekt texnologiyaları qlobal miqyasda bütün əmək fəaliyyətlərinin təxminən 30 faizinin avtomatlaşdırılmasına imkan verəcək. Eyni zamanda, bu texnologiyalar qlobal miqyasda hər il əlavə olaraq 2,6–4,4 trilyon ABŞ dolları həcmində məhsuldarlıq artımı yarada bilər.
Bölmənin digər xəbərləri
