GENETİKLƏR ÇİNGİZ XANI DÜNYANIN ƏN GÜCLÜ NƏSİLARTIRMA QABİLİYYƏTİ OLAN KİŞİSİ HESAB EDİRLƏR

16.06.2004 [19:22]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, genetiklər monqol imperatoru Çingiz xanı bəşər tarixində ən güclü nəsilartırma qabiliyyəti olan kişi hesab etmişlər. Tanınmış Britaniya alimi Brayan Saykisın fikrincə, hazırda yaşayan 16 milyon adam özünü Çingiz xanın nəslindən hesab edə bilər. Onların genetik kodunda monqol imperatorunun “izi” var.

Oksfordlu alim insan orqanizmində olan qəribə və mürəkkəb İqrek xromosomunu öyrəndikdən sonra bu qənaətə gəlmişdir. Məlum olmuşdur ki, təxminən iyirmi milyon adamın orqanizmində bu xromosomun Çingiz xana və onun nəslinə məxsus xüsusi növü müşahidə edilir.

O da məlumdur ki, İqrek xromosomu atadan ancaq oğula keçir. Belə ki, qadın orqanizmində bu xromosom yoxdur.