GİMNASTLARIMIZ OMSKDAN BEŞ MEDALLA QAYITMIŞLAR
Azərbaycan gimnastları Rusiyanın Omsk şəhərində Q.Qorenkova adına beynəlxalq turnirdə beş medal - 2 qızıl, 2 gümüş və 1 bürünc medal qazanmışlar. Azərbaycan Gimnastika Federasiyasının mətbuat xidmətindən AZƏRTAC-a bildirmişlər ki, lentlə təmrinlərin finalında Dinara Gimatova 24,65 balla birinci yeri tutmuşdur.
Topla final yarışında Anna Qurbanova 25,15 bal toplayaraq, fəxri kürsünün ən yüksək pilləsinə qalxmışdır. Dünya kuboku finalının iştirakçısı çənbərlə təmrinlərin finalında ikinci (25,25 bal) və gürzlə təmrinlərdə üçüncü (25,00 bal) nəticə göstərmişdir. Qurbanova şəxsi çoxnövçülük yarışlarında 98,9 balla ikinci yerə layiq görülmüşdür. Birinci yeri rusiyalı Svetlana Putinseva, üçüncü yeri isə onun həmyerlisi Aliyə Qarayeva tutmuşlar. Gimatova 94,25 balla altıncı olmuşdur.
Xatırladaq ki, dekabrın 17-19-da Bakıda, “ABU Arena” idman kompleksində bədii gimnastika üzrə Azərbaycan birinciliyi keçiriləcəkdir. Başa çatmaqda olan bu ilin yekun turnirinin sonunda qala-konsert təşkil ediləcək və konsertdə Dinara Gimatova və Anna Qurbanova xüsusi hazırlanmış nümunəvi nömrələr göstərəcəklər.
Bölmənin digər xəbərləri
