Gömrükçülər siqaretlərin ölkəyə qaçaqmalçılıq yolu ilə gətirilməsi cəhdinin qarşısını alıblar
Bakı, 8 fevral, AZƏRTAC
Dövlət Gömrük Komitəsinin Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumatlar əsasında 3 fakt üzrə 17 min 200 ədəd müxtəlif markalı siqaretin ölkəyə qaçaqmalçılıq yolu ilə gətirilməsi cəhdinin qarşısı alınıb.
Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, İdarənin “Qırmızı Körpü” gömrük postunda Gürcüstandan gələn Azərbaycan vətəndaşlarının “VAZ 21013”, “Mercedes Benz 190” və “Opel Vectra” markalı nəqliyyat vasitələrinin gizli saxlanc yerlərindən 10 min ədəd “King”, eləcə də 7200 ədəd “De Santis” markalı siqaret aşkarlanıb.
Faktlarla bağlı araşdırma aparılır.
Bölmənin digər xəbərləri
