“GOOGLE” MUSİQİ AXTARIŞI SİSTEMİ İŞƏ SALMIŞDIR
Bakı, 30 oktyabr (AZƏRTAC). İnternet-axtarış sistemində dünya lideri olan “Google” şirkəti bu dəfə musiqi axtarışı sistemi işə salmışdır. Bundan sonra sistem istifadəçinin sorğusu, o cümlədən mahnının, yaxud ifaçının adının göstərilməsi əsasında oxşar nümunələr və iLike, Rhapsody və İmeem kimi saytlara istinadla axtarıb tapacaqdır. Axtarış sistemi nümunələrin adları ilə yanaşı, albomların üzqabıqlarını da göstərəcəkdir. Üstəlik, mahnını adını bilmədən də tapmaq mümkün olacaqdır. Bunun üçün mahnının yaddaqalan sətrini sistemə daxil etmək kifayətdir. Sistemin tapdığı bir çox mahnıların əvvəlini dinləmək və almaq mümkün olacaqdır. Burada tapılmış bütün musiqilər qanunidir.
Axtarış sistemi hələlik yalnız Birləşmiş Ştatlarda tətbiq olunmuşdur. Lakin şirkət həmin xidməti tezliklə başqa ölkələrdə də işə salmağı planlaşdırır.
Bölmənin digər xəbərləri
