Goranboy sakini qadınları fahişəliyə cəlb etməsi faktı ilə əlaqədar saxlanılmışdır
Bakı, 1 noyabr (AZƏRTAC). Cari il fevralın 18-də Sahilə Əliyevanın Ramazan adlı şəxs tərəfindən döyülməsi barədə verilmiş məlumatla əlaqədar Goranboy Rayon Polis Şöbəsinin əməkdaşları tərəfindən aparılmış araşdırmalar zamanı Nərimanlı kənd sakini Nərgiz Namazovanın rayon ərazisində işlətdiyi “Söyüdlük” kafesində bu ilin sentyabr-oktyabr ayları ərzində gəlir əldə etmək məqsədi ilə əxlaqsızlıq yuvası təşkil etməsi və həmin kafedə Sahilə Əliyavanı, Fərqanə Vəliyevanı, Kəmalə Abbasovanı, Ruhiyyə Mirzəyevanı və Nailə Məlikovanı fahişəliyə cəlb etməsi müəyyən edilmişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, həyata keçirilmiş əməliyyat tədbirləri nəticəsində N.Namazova saxlanılmışdır.
Hər iki faktla bağlı qaldırılmış cinayət işləri üzrə tədbirlər davam etdirilir.
Bölmənin digər xəbərləri
