Görmə qüsurlu insanlar üçün smart eynək yaradılmışdır
Bakı, 4 noyabr (AZƏRTAC). ABŞ-ın Oksford Universitetinin alimləri görmə qabiliyyəti məhdud olan insanlar üçün çoxfunksiyalı smart eynək yaratmışlar. Dünya işığından məhrum olmuş insanların əksəriyyəti işıq və hərəkəti qavramaq iqtidarındadır və hazırlanan qurğu məhz bu imkanlardan istifadə məqsədini daşıyır.
Alimlərin sözlərinə görə, bu eynəklərin funksiyaları zəif görən adamlara yollarında meydana gələn maneələr haqqında təkcə ümumi təsəvvür əldə etməyə deyil, həm də avtobus dayanacağı, qapı oyuğu və ya şəxsi əşyalar kimi faktiki obyektləri tanımağa imkan verəcəkdir.
Bu eynəklər vasitəsilə toplanan informasiya təsvir üçün üzvi işıq diodlu (OLED) şəffaf displeyə köçürülür.
Smart eynək obyektlərə qədər olan məsafəni müəyyənləşdirən kamera və infraqırmızı proyektorla, eləcə də kompas, “GPS” peyk naviqasiya sistemi və hiroskop (bədənin səmt bucaqlarının dəyişməsinə reaksiya verən qurğu) ilə təchiz olunmuşdur.
Bölmənin digər xəbərləri
