Göyərtəsində 186 sərnişin olan Niderland təyyarəsi Hamburq aerportuna təcili eniş edib
Berlin, 24 iyul, AZƏRTAC
Niderlandın milli hava yolu şirkətinə məxsus sərnişin təyyarəsi Hamburq aeroportuna məcburi eniş edib.
AZƏRTAC "Spiegel" qəzetinə istinadla xəbər verir ki, pilotlar təyyarənin salonunda tüstülənmə aşkarladıqdan sonra təcili eniş barədə qərar qəbul ediblər.
Stokholm–Amsterdam aviareysi ilə hərəkət edən təyyarənin göyərtəsində 186 sərnişin olub. Təyyarə təhlükəsiz şəkildə eniş etdikdən sonra sərnişinlər dərhal təxliyə olunub və terminala aparılıb.
Hava limanının yanğınsöndürmə xidməti hadisə ilə əlaqədar cəlb olunub. Tüstülənmənin səbəbi və miqyası ilə bağlı hələlik məlumat verilməyib.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
