GUAM ÖLKƏLƏRİNİN XARİCİ İŞLƏR NAZİRLƏRİ STRASBURQDA GÖRÜŞMÜŞLƏR

19.05.2006 [20:27]
Çap et
A⁺ A^-

AZƏRTAC-ın Kiyevdəki xüsusi müxbiri Ukrayna XİN-in mətbuat xidmətinə istinadla xəbər verir ki, mayın 19-da bu ölkənin Avropa Şurası yanındakı daimi nümayəndəliyində Azərbaycan, Gürcüstan, Ukrayna və Moldova xarici işlər nazirlərinin işgüzar görüşü olmuşdur. Onlar buraya Avropa Şurası Nazirlər Komitəsinin növbəti, 116-cı iclasında iştirak etmək üçün gəlmişlər.

Görüş GUAM-ın mayın 22-23-də Kiyevdə keçiriləcək zirvə toplantısına hazırlıq prosesinə həsr olunmuşdur. Toplantıda GUAM-ın tamstatuslu beynəlxalq təşkilata çevrilməsi işini başa çatdırmaq nəzərdə tutulur.

Görüş zamanı GUAM ölkələri xarici siyasət idarələrinin başçıları zirvə toplantısında imzalanacaq sənədlərin siyahısını razılaşdırmış, qurumun regional beynəlxalq təşkilat kimi gələcək inkişafı, habelə üzv ölkələrin beynəlxalq təşkilatlarda tərəfdaşlığının möhkəmləndirilməsi yolları barədə fikir mübadiləsi aparmışlar.

Xarici işlər nazirləri GUAM ölkələrinin Avropa Şurası çərçivəsində qarşılıqlı fəaliyyətinin sürətləndirilməsi yollarının müzakirəsinə xüsusi diqqət yetirilmiş, beynəlxalq həyatın və regional əməkdaşlığın aktual məsələləri barədə də fikir mübadiləsi aparmışlar.

GUAM ÖLKƏLƏRİNİN XARİCİ İŞLƏR NAZİRLƏRİ STRASBURQDA GÖRÜŞMÜŞLƏR

MÜƏLLİFLƏ ƏLAQƏ

Bölmənin digər xəbərləri