GÜLLƏ ATICILIĞI ÜZRƏ BAKI ŞƏHƏR BİRİNCİLİYİ BAŞA ÇATMIŞDIR
Bakı, 9 fevral (AZƏRTAC). Azərbaycan Dövlət Bədən Tərbiyəsi və İdman Akademiyasının tirində kiçikçaplı tapança, pnevmatik tüfəng və pnevmatik tapançadan atəşaçma üzrə Bakı şəhər birinciliyi başa çatmışdır. Yarışda 30-a yaxın 1989-cu il təvəllüdlü oğlan və qızlar iştirak etmişdir.
Pnevmatik tüfəngdən atəşaçma üzrə qızların yarışında Aynur Qəhrəmanova (368 xal), oğlanların turnirində isə Fərid Qurbanov (519 xal) birinci yerləri tutmuşlar. Pnevmatik tapançadan atəşaçma üzrə birincilikdə Aynur Mirişli (343 xal) və Ruslan Lunev (570 xal) qalib olmuşlar. Məmmədəli Abdullayev isə 270 xalla kiçikçaplı tapançadan 50 metr məsafəyə atəşaçma üzrə yarışda Bakı çempionu adına layiq görülmüşdür.
Bölmənin digər xəbərləri
