Gürcüstan hökumətinin Koordinasiya Şurası fəaliyyətini vodeokonfrans vasitəsilə davam etdirəcək
Tbilisi, 7 aprel, AZƏRTAC
Gürcüstanda koronavirusla əlaqədar Baş Nazir Giorgi Qaxarianın rəhbərliyi ilə yaradılmış Dövlət Qurumlararası Koordinasiya Şurası aprelin 7-dən fəaliyyətini videokonfrans şəraitində davam etdirəcək.
AZƏRTAC xəbər verir ki, bu barədə Gürcüstanın hökumət administrasiyası məlumat yayıb.
Məlumatda deyilir ki, bu qərar kütləvi tədbirləri ləğv etmək məqsədilə qəbul olunub.
Bildirilir ki, Baş Nazirin sədrliyi ilə keçiriləcək videokonfranslarda hökumət strukturları ilə yanaşı, prezident administrasiyasının və parlamentin nümayəndələri də iştirak edəcəklər.
Şuranın iclasları barədə ictimaiyyətə videobrifinq vasitəsilə məlumat veriləcək.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
