Gürcüstan parlamentində müxalifətçi deputatlar arasında qalmaqal yaşanıb
Tbilisi, 1 oktyabr, AZƏRTAC
Gürcüstan parlamentinin oktyabrın 1-də keçirilən iclasında qarşıdurma yaşanıb.
AZƏRTAC xəbər verir ki, bu dəfə qarşıdurma müxalifət partiyalarının nümayəndələri arasında olub.
Müxalif Vətənpərvərlər Alyansı partiyasının üzvü Ada Marşania Avropalı Gürcüstan partiyasının liderlərindən biri olan Qiqa Bokerianı təhqir edib. A.Marşania hakim "Gürcü arzusu- demokratik Gürcüstan" partiyasının deputatlarına da səslənərək onları satqın adlandırıb.
Q.Bokeria isə A.Marşania və Vətənpərvərlər Alyansını Vladimir Putinin adamları adlandırıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
