GÜRCÜSTAN PREZİDENTİ MİXAİL SAAKAŞVİLİNİN AZƏRBAYCANA RƏSMİ SƏFƏRİ
AZƏRBAYCANIN ÜMUMMİLLİ LİDERİ HEYDƏR ƏLİYEVİN MƏZARINI ZİYARƏT
Dost ölkənin Prezidenti müstəqil Azərbaycan dövlətçiliyinin qurucusu, Azərbaycan-Gürcüstan əlaqələrinin təşəkkülü və inkişafında əvəzsiz xidmətləri olan dünya şöhrətli dövlət xadimi Prezident Heydər Əliyevin məzarı önünə əklil qoydu, ümummilli liderimizin xatirəsini ehtiramla anaraq, ona Allahdan rəhmət dilədi.
Prezident Mixail Saakaşvili daha sonra akademik Zərifə Əliyevanın da məzarını ziyarət edərək gül qoydu.
Əklilqoyma mərasimində Bakı Şəhəri İcra Hakimiyyətinin başçısı Hacıbala Abıtalıbov, xarici işlər nazirinin müavini Xələf Xələfov, Gürcüstanın Bakıdakı səfiri Zurab Qumberidze, Azərbaycanın Tbilisidəki səfiri Hacan Hacıyev iştirak edirdilər.
Bölmənin digər xəbərləri
