Gürcüstan tərkibində xəstəlik aşkar olunmuş 470 ton kartofu Ermənistana qaytaracaqdır
Tbilisi, 3 noyabr (AZƏRTAC). Gürcüstan Maliyyə Nazirliyindən verilən məlumata görə, Ermənistandan bu ölkəyə ixrac olunmuş və tərkibində xəstəlik aşkar edilmiş 470 ton kartof geri qaytarılacaqdır.
Azərbaycanlıların yığcam yaşadıqları Kvemo Kartli-Borçalı bölgəsinin Marneuli rayonu ərazisindəki Sadaxlı nəzarət-keçid məntəqəsində məhsula ilkin baxış zamanı onun tərkibində müxtəlif xəstəliklər olduğu müəyyənləşdirilmiş və xüsusi laboratoriya yoxlaması da bunu təsdiq etmişdir.
İyirmi yük maşını ilə gətirilmiş kartof Ermənistana qaytarılacaqdır. Bu, son bir həftə ərzində Ermənistandan Gürcüstana tərkibində xəstəlik olan kartof ixrac edilməsi ilə bağlı ikinci faktdır.
İslam Əliyev
AZƏRTAC-ın xüsusi müxbiri
Tbilisi
Bölmənin digər xəbərləri
