Gürcüstan və Özbəkistan rəsmiləri regional logistik və nəqliyyat layihələrini müzakirə ediblər
Tbilisi, 1 iyul, AZƏRTAC
Gürcüstanın iqtisadiyyat və davamlı inkişaf naziri Mariam Kvrivişvili Özbəkistanın investisiya, sənaye və ticarət naziri Laziz Kudratov ilə görüşüb.
Bu barədə AZƏRTAC-a Gürcüstanın İqtisadiyyat və Davamlı İnkişaf Nazirliyindən məlumat verilib.
Bildirilib ki, görüşdə tərəflər iki ölkə arasında mövcud iqtisadi, ticarət və turizm əməkdaşlığının dərinləşdirilməsi perspektivlərini müzakirə ediblər.
Görüşdə nəqliyyat və logistika sektorlarında əməkdaşlıq məsələləri də müzakirə olunub. Gürcüstanın Avropa və Asiya arasında birləşdirici rolu qeyd olunub.
Anakliya Dərinsulu Limanı, Bakı-Tbilisi-Qars Dəmir Yolu Xətti, Şərq-Qərb Avtomobil Yolu və Yeni Tbilisi Hava Limanı Layihəsi kimi strateji layihələrin əhəmiyyəti vurğulanıb.
BTQ-nin tam istifadəyə verilməsindən sonra qısa müddət ərzində bu yolla beynəlxalq yükdaşımaların həcminin xeyli artdığı qeyd olunub.
Bölmənin digər xəbərləri
