Gürcüstanda 13 min 360 aktiv koronavirus xəstəsi var
Tbilisi, 14 yanvar, AZƏRTAC
Gürcüstanda son sutkada 15 min 891 nəfər koronavirusla əlaqədar test olunub. Nəticədə daha 1357 nəfərdə koronavirus aşkarlanıb.
Son 24 saat ərzində daha 748 nəfər müalicə olunaraq sağalıb, 21 nəfər isə pandemiyanın qurbanı olub.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat verilir.
Bildirilir ki, ölkədə COVID-19-a yoluxanların ümumi sayı 224 min 612-yə, sağalanların sayı 228 min 359-a, koronavirusdan ölənlərin sayı isə 2 min 867-yə çatıb.
Bildirilir ki, ölkədə aktiv koronavirus xəstələrinin sayı 13 min 360-a çatıb.
Hazırda ölkə üzrə 496 nəfər karantin zonalarında, 3780 nəfər stasionar nəzarətdə, 638 nəfər isə xüsusi otellərdə tibbi nəzarətdə saxlanılır.
Daha 23 min 545 nəfər isə özünütəcrid rejimindədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
