Gürcüstanda koronavirusa yoluxanların ümumi sayı 160 minə çatır
Tbilisi, 5 dekabr, AZƏRTAC
Gürcüstanda COVID-19 virusuna yoluxma halları davam edir. Təkcə son sutka ərzində Gürcüstanda daha 5 450 yeni yoluxma qeydə alınıb.
AZƏRTAC xəbər verir ki, bu barədə hökumətin rəsmi stopgov.ge saytında məlumat yerləşdirilib.
Bildirilir ki, ötən sutka ərzində ölkədə 2 306 nəfər sağalaraq evə buraxılıb, 37 nəfər isə pandemiyanın qurbanı olub.
Qeyd olunur ki, Gürcüstanda koronavirusa yoluxanların ümumi sayı 158 154-ə çatıb, onlardan 129 210 nəfər sağalıb. Pandemiyanın qeydə alındığı gündən, fevralın 26-dan bu günədək ölkədə 1 462 nəfər həyatını itirib.
Hazırda ölkədə 1325 nəfər karantin rejimində saxlanılır, 6768 nəfər isə xəstəxanalarda müalicə olunur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
