Gürcüstanda koronavirusa yoluxanların ümumi sayı 238 mini keçib
Tbilisi, 9 yanvar, AZƏRTAC
Gürcüstanda son sutka ərzində COVID-19 virusu ilə əlaqədar 18 min 149 nəfər test olunub. Nəticədə 2058 nəfərdə koronavirus aşkarlanıb. Bununla da koronavirusa yoluxanların ümumi sayı 238086-ya çatıb.
AZƏRTAC xəbər verir ki, bu barədə Gürcüstan hökumətinin rəsmi stopgov.ge saytında məlumat yerləşdirilib.
Bildirilib ki, son 24 saat ərzində 529 nəfər koronavirusdan müalicə olunub, 22 nəfər pandemiyanın qurbanı olub. Sağalanların ümumi sayı 224 min 781-ə, ölənlərin sayı isə 2 750-yə çatıb.
Hazırda Gürcüstanda 512 nəfər karantində, 3867 nəfər stasionar nəzarətdə saxlanılır. Daha 754 nəfər isə xüsusi otellərdə müalicə olunur.
Hazırda ölkə üzrə 10 592 ağır koronavirus xəstəsi var. Onların da 265-i süni tənəffüs aparatına qoşulub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
