Gürcüstanda koronavirusdan ilk ölüm faktı qeydə alınıb
Tbilisi, 4 aprel, AZƏRTAC
Gürcüstanda koronavirusdan ilk ölüm faktı qeydə alınıb.
AZƏRTAC xəbər verir ki, bu barədə Tbilisi Birinci Universitet Klinikasının direktoru Levan Ratiani məlumat verib.
Onun sözlərinə görə, xəstənin müalicəsi üçün görülən tədbirlər nəticəsiz qalıb.
COVID-19 virusundan həyatını itirən şəxs Bolnisi rayonu Kəpənəkçi kənd sakinidir.
Məlumata görə, 79 yaşlı qadın martın 31-də COVID-19 virusuna yoluxma diaqnozu ilə xəstəxanaya yerləşdirilib.
Gürcüstanın Baş Naziri Giorgi Qaxaria mərhumun yaxınlarına başsağlığı verib.
Qeyd edək ki, hazırda Gürcüstanda 157 nəfər koronavirusa yoluxub. Xəstələrin 28 nəfəri sağalıb.
Koronavirus diaqnozu ilə xəstəxanalara yerləşdirilənlərin 4 nəfəri süni nəfəs aparatına qoşulub, daha 23 nəfərdə pnevmoniya təsdiq olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
