Gürcüstanda qrip infeksiyasının yüksək səviyyəsi davam edir
Tbilisi, 6 yanvar, AZƏRTAC
Gürcüstanda infeksion xəstəliklərə yoluxma hallarının 70 faizi qrip virusları ilə əlaqədardır. Ən çox yayılanı isə Honkonq virusudur.
AZƏRTAC xəbər verir ki, bu barədə Tbilisi İaşvili Uşaq Mərkəzi Xəstəxanasının tibb direktoru, professor İvane Çxaidze bildirib.
Onun sözlərinə görə, ölkədə qripin yayılmasının pik həddə çatdığını demək hələ tezdir. "Gürcüstanda qrip infeksiyasının yüksək səviyyəsi davam edir, Honkonq virusu adlanan H3N2 tipli virusun dominantlığı müşahidə olunur. Ambulator və stasionar müəssisələr hələ ən yüksək göstəriciyə çatmayıb. Baxmayaraq ki, bu göstərici ötən illə müqayisədə bir qədər yüksəkdir”, - deyə o diqqətə çatdırıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
